Melancholy of a Helpless Moron

hindi ka ba makatulog sa kakaisip,

na parang mulat na nananaginip;

tila nagbabalik ang mga alaala,

habang nangingting mag-isa…

hindi ka rin ba inaabutan ng gana,

kahit na pagkai’y nasa harap mo na;

di alam kung ano’ng dapat isipin,

kahit anong balak, talagang ayaw pa rin…

hindi ba talaga mapakali ang buhay mo,

at parang ang lahat ay sobrang gulo;

hindi malaman-malaman ang iyong gagawin,

at bigla na lang mapapatitig sa hangin…

sadya nga yatang malala na ang iyong sakit,

na tila sa buong katawan mo’y tuluyang kumapit;

mukhang sa tulad nati’y hinding-hindi babagay,

ang magmahal ng lubusan kahit kapalit ay buhay…

This entry was posted on Monday, June 4th, 2007 at 4:56 am and is filed under Uncategorized. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.